رأى المواطن

فى دنيا الفيس..

فى دنيا الفيس
بنقابل ناس بمليون إسم
ووجوه كتير ومن غير جسم
ناس من الدنيا هربانه
وناس تايهه وحيرانه
ناس هدفها الخير
وناس عايشه لآذية الغير
ناس حقيقه وناس من وهم

اللى يفهم منشورك يتعلق بيك
ولو غبت يوم يسأل عليك
ناس تدخل بروفيلها تشتاق ليها
وناس تكره تبص عليها
ناس تحترمك وناس تعاديك
وناس تجيب اللوم عليك
فى دنيا الفيس
بقينا فى غربه عن روحنا
وناس تشبهنا بأرواحنا
وناس عايشين بالإسم وبس
وناس بتعشق بس الرسم

فى دنيا الفيس
ناس تضحك لكن الضحكه مكسوره
وناس بين أحزانها مسجونه
وناس تشترى وناس بتبيع
ناس نجت وناس بتضيع
هذه هي دنيا الفيس

مختاره من صفحة ا.د.ناديه حجازي نعمان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.