فين الجنيه

كلمات / محمد محمود عبسى

الجنيه بتاعنا كان يساوي ستمية٠٠٠٠٠٠كان في السما عالي وكان تمام

كان طاير لفوق زي الحمام٠٠٠٠٠٠كان يساوي فلوس كتيرة كان غرام

كان إسمه ف كل الجهات له كيان٠٠٠٠٠٠كان زمان نخاف عليه كان شجاع كان هُمام

وفضل عزيز وعالي وغالي٠٠٠٠٠٠وجنحاته كانت ترفرف كانت وسام

هو الجنيه كان أعلي وأغلي٠٠٠٠٠٠من الدولارومن الذهب ياكرام

كان أعلي من كل عملة كان٠٠٠٠٠٠ينضرب به المثل وكان حسام

كان زعيم وكان له حساب٠٠٠٠٠٠كان به بيحلم كل البشر و هم نيام

كان في جيبك يطمّنك وكان حبيب٠٠٠٠٠٠وكان يسعدك وكان فريد وسط الزحام

كان وشه سعد وهنا كان قريب٠٠٠٠٠٠وكان يساوي من الريال كام وكام

كان يكفيك لحمة وخضار حتي٠٠٠٠٠٠الفواكه مع أي طير حتي الحمام

وفجأة ياناس مِرض الجنيه٠٠٠٠٠٠واشتد بيه المرض سنين ودام

وملوش علاج عند الأطبا٠٠٠٠٠٠وسبوه مريض وسبوه ينام

وقيمته قَلّت مبقاش يطير٠٠٠٠٠٠جالوا شلل وملوش قيام

وأصبح حزين بين الضحايا٠٠٠٠٠٠ملوش كيان ومفيش كلام

كلام يقوله فيه اعتراض٠٠٠٠٠٠أنا مريض كل المرض بساوي كام

علي طول جِرِي وصرخ صراخ٠٠٠٠٠٠وراح بلطيم هناك وعام

وهو مريض نسي السباحة٠٠٠٠٠٠هو العوم مبقاش تمام

فضل يعوم علي قد مرضه٠٠٠٠٠٠حتي غرق وسكت الكلام

وخلاص جنازته اتشيعت٠٠٠٠٠٠بس اللي فاضل شكوي وألام

واحنا حياري وزعلانين فين٠٠٠٠٠٠ اللي كان له كرامة واهتمام

راح حبيبنا وكان حكاية٠٠٠٠٠٠وانتهت نهايته وخلص الكلام

ارجع وأقول فين الجنيه فين حياته٠٠٠٠٠٠فين كيانه قالولي تاه وسط الزحام

محمد محمود عيسي

محاسب وداعية خير 

منشاة سلان – منوف – المنوفية