كلام ستات وشوية تكات..ازاي تشتري الكرنب الصح
كتبت / عزه السيد
ازاي تشتري الكرنب الصح
اشتري الكرنبه المهويه مش المكبوسه وده واضح جدا في الصور بصي علي رأس الكرنبة لو لقيتي مكان الورق الي اتشال تحت بعضه كتير يبقي مليانة ورق
ولكن لو في مسافة بين كل ورقة والتانية يبقي ورقها قليل
وانتي بتنقي الكرنب هاتي اللي راسها فيها لون موف أو بنفسجي كده بتبقي ورقها مسكر وحلوه جدا
نقيها مدوره وتكون خفيفه عشان الورق بيطلع بسرعه
مش مكبوسه بتكون ناشفه وبتتكسر بسرعه
لما تشتري الكرنب سيبه يوم وتاني يوم اعمليه
علي ما يدبل شويه عشان الورق مايتكسرش
وكمان يكون اسهل وانتي بتورقيه
الناس اللى مبتعرفش تقطع الكرنب تفرغ راس الكرنبه
وتحط الكرنبه زى ماهى ف حله كبيرة بيها ماء مغلي وتطلع ورقه ورقه
ازاي نسلق الكرنب
وللتفريز بلاش وضع الملح فى ماء السلق
كفاية سكر وكمون الملح بيخليه اوقات يجلد
لما يطلع من الفريزر انا جربت الطريقتين وطلع حلو من غير ملح
وفنجان اللبن بيمنع اي روايح من الكرنب ولا اكنك سلقه كرنب اصلا
الكرنب اللي هنفرزه يكون نصف سواء يعني ميسلقش قوى
الكرنب بيجلد في التفريز
نصيحتى للكرنبه المتفرز عشان يكون نفس طعم الطازج
اول مايطلع من الفريزره اسقطى فى مياه سخنه كام دقيقه واشطفى هيفرق جدا فى الطعم ومش هيكون مجلد معاكى
وانتى بتظبطي ملح الشوربه زودي معلقه سكر صغيره هتفرق جدا في تسويه الكرنب
