كلام ستات وشوية تكات..بدائل الطعام
كتبت / عزه السيد
بدائل الطعام:
المكونات موجودة في كل بيت
ولكن يجب ان نكتشفها لكي لايصعب علينا شيء
القليل من بدائل الطعام :
1الجبنه اللى نشفت فى الثلاجه أضربيها فى الخلاط مع معلقة قشطه هاتبقى جبنه كريمى
2 قشر البرتقال نشفيه وأطحنيه وأستعمليه فى كيكة البرتقال”
3 بواقى الكيك اللى نشف عندك مترمهوش أفرميه وأعملى منه ترايفل بالشكولاته
4 بديل البهارات حمصى شوية كزبره ناشفه مع كمون حصى وقرفه وبعده اطحنيهم جيدا واستخدميه
5 بديل الكريمه الحامضه نص علبة زبادى وضيفى عليها تص علبة قشطه وهتعطينا نفس النتيجه
6 بديل الماونيز تضعى فى الخلاط بيضه واحده و3ملاعق كبيره خل ومعلقه صغيره ملح وثوم على حسب الرغبه ونخلطهم واحنا بنخلط نضع عليهم الزيت بالتدريج معلقه معلقه الى ان يثقل قوامها ويصبح كقوام المايونيز
7 بديل الفانيليا فى الكيك ضعى معلقه صغيره خل او معلقه صغيره قرفه بتقضى على الريحه وتعطيها رائحه جميله ”
8بديل الاندومى سوى الشعيريه على النار وبعد السوى ضعى لها مكعب مرقة دجاج وفلفل اسود وكاري
9-بديل تقطيع الخضروات الورقيه بالسكينه استخدمى المقص أسهل واسرع”
10–بديل قلى السمبوسك ادهني وجهها بالقليل من الزيت ورصيها على صنيه مدهونه وادخليها الفرن
