كلام ستات وشوية تكات..بعض اسرار المطبخ
كتبت / عزه السيد
بعض أسرار الطبخ
عايزة تقطعي اللحمة او بانيه او كبدة شرائح رقيقة جمديها قليلاً اولاً
ضعي معلقة خل في أي عجينة لتصبح بيضاء وطرية وهاشة
وانتي بتقلي السمك عشان مايبقاش فيه ريحة ضعي قليل من الفانيليا والزيت بارد وبعدين سخنى واقلي وادعيلي
فصوص الحبهان اكسريها قبل ما تضيفيها للأكل
لما تيجى تقلى الأكل وحبيتى تزودى زيت سخنيه الأول والا الأكل هيشربه كله
ذرة بيكينج بودر على الملوخيه والباميه وهى بتستوى واى خضار بتخليها تحتفظ بلونها الاخضر
معلقة صغيره سكر على الصلصه هتعادل الحموضه وتخليها احلى
نضفي الكرشه والممبار بالسفن اب والبيكربوناتو وملح الليمون فى دقيقه
قبل ما تقورى الباذنجان ادعكى ايدك بليمونه علشان متسودش
قبل ما تقشرى الكوسه ادهنى ايدك زيت علشان الصمغ هيبهدل ايدك
بعد ما تخلصى خلطة المحشى وقبل الحشو ضيفى عليها معلقتين زيت
هتخليه يلمع ويبقى جميل وبدل ما تضيفى شطه حمرا قطعى فلفل حامى وحطيه بين المحشى
لما تيجى تعملى لحوم ضيفى عليها نص معلقة صغيرة سكر بتخليها تستوى كويس وطعمها احلى
ضيفى على الرز دايماً ميه مغلية مش باردة علشان ميعجنش
الخضار المجمد حركى الكيس رجيه لو كتلة واحدة يبقى ده اتفك واتجمد تاني
