كلام ستات وشوية تكات
كتبت / عزه السيد
1_ وانتي بتنقي الليمون هتلاقي واحده قشرتها ناعمه و واحده زي البرتقال، هاتي الناعمه لان عصيرها بيكون اكتر
2_ لتخفيف رائحة الكرنب و القرنبيط النفاذه اثناء السلق اضيفي قطعة من الخبز مع نصف ملعقه صغيره حبوب كمون الى ماء السلق
3_ قبل ما تقوري الباذنجان ادعكي ايدك بليمونه علشان متسودش
4_الباذنجان المخلل سواء مسلوق او مقلي لو عاوزاه يطلع شبه المطاعم مسكر و قلبه يفضل ابيض! بلاش تضيفي كمون على التتبيله‼️لان الكمون مع الوقت هيخلي الباذنجان طعمه يتغير و قلبه يغمق.
5_عند الانتهاء من تقشير الباذنجان الاسود الرومي (المكبب) ضعيه في مصفه ورشي ملح عشان ينزل مايته و ميشربش زيت معاكي
6_الثوم بيغير ريحه اي اكل في الفريزر وبتلاقي الدنيا كلها ريحتها ثوم في الفريزر
الحل سهل جداً جربوه وادعولي
هتجيبي فنجان وتحطي فيه بن
اللي هو القهوه وتسبيه من غير غطاء وتحطيه في الفريزر وانسي اي ريحه تمسك في الاكل
7_ مشي على الفريزر كل شهر بقماشه فيها خل.
