كلام ستات وشوية تكات..

كتبت / عزه السيد

1- لما تيجى تعملي فراخ بانيه او بوفتيك افردي كيس بلاستيك وحطى عليه البقسماط والتتبيلات وتبلي عليه وبعدين لما تخلصي لمى الكيس وارميه على طول كده هتوفري غسيل طبق .. كمان هتحمى حوضك من الانسداد بسبب البقسماط اللي بيقع في الحوض اثناء الغسيل .

2- لو وقعتى زيت على الارض متجريش تجيبى فوطة وتمسحيه لا رشى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا كإن في حاجة وقعت .

3- حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماماً .

4- لما يقع منك بيض على الارض او على التربيزة بيض نى طبعا اوعى تمسحيه بفوطة لا امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن .

5- ما تمسحيش رخامات المطبخ بالكلور امسحيها بالخل بيقتل الجراثيم ومادة طبيعية .