كلام ستات وشوية تكات
كتبت / عزه السيد
كلام مهم اسمعيه
دى حاجات استفدت منها وحبيت أفيدكم
١- الحلل الصاج بتشيط اللبن جدا حتى لو نوع كويس.
٢-اللهلوبه حلوة اوى للتنظيف بتلمع اى حاجة.
٣- الجوانتى ده اختراع هايل لاى حاجة.
٤- مفارش الثلاجة مع الوقت بتبوظ الثلاجة والفريون وبتجيب مايه كمان بلاش منها لانها عملت معايا كده بعد ٥ سنين ومصدقتش الا لما عملت كده وده كلام مهندس الصيانة.
٥-الحلل الاستانلس لازم تهدى النار عليها عشان الاكل هيعمل ريحه لو النار عالية.
٦-كيك شيف افضل من بيكنج بودر كتير.
٧- عجينه البيتزا عاوزة زبادى او لبن بودرة عشان تظبط
ومتبقاش ناشفة.
٨-هاتى زيت جوز هند خام والاصلى بيكون مجمد في الشتا سيحيه في مايه سخنه وامسحى بيه وشك بقطنة هيخليها حرير.
٩-لازم تعملى اسكراب لوشك مرة فى الاسبوع على الاقل عشان الجلد الميت يروح.
١٠-هاتى راديو في المطبخ واظبطيه على اذاعة القران الكريم بيتك كله هيكون بركه.
١١- مش عاوزة البصل يدمع العين حطيه في الثلاجة شوية.
١٢-حطى العيش في علبه ثلاجة في الفريزر عشان الرده بتسد الفتحات.
١٣-مسك الطهارة ده اختراع نظافة وريحة ملهمش حل.
١٤- حطى حصالة فوق ثلاجتك حطى فيها الفلوس الفكه وكل اسبوع طلعى منهم حاجه لله او هاتى حلويات وفرحى الاطفال.
١٥-حاولى تلمى الغسيل وقت الظهرية تكون الشمس جت عليه لو لمتيه بليل ريحته مش هتبقى بحلاوة الظهر.
