كلام ستات وشوية تكات
كتبت/ عزه السيد
كلام مهم اوعي تعملي كده
كنت بحط الفلفل الاسود بالبرطمان كان ساعات بيقع نصف الفلفل في الاكل دلوقتي بحطه بالمعلقه..
بطلت اعمل اكل او شاي وانا مليش مزاج أو تعبانه بيطلع مش حلو خالص ..
مابعملش اكل وانا مستعجله لما بعمله واحده واحده بيطلع اجمل
مره بحط معلقه ملح ع الاكل ولاقيته حادق جدا …حرمت بقيت احط اقل كميه وادوقه الاول لو محتاجه بزود مش محتاج خلاص
مره بحط معلقه كمون ع الفول ع اعتبار أن الكمون حلو يعني لاقيته مرر الفول
الوسط في كل حاجه حلو بردو
مره بنظف الحمام وقولت ازود النظافه روحت حاطه صابون سائل في الأرض ولاقيت نفسي في الاوضه اللي وش الحمام حرمت اعمل كدا بحط مياه بكلور وديتول في الاخر وخلاص
روحت اشتري فلافل سخنه عشان أفطر وبعد ما طلبتها ببص في الزيت اللي بيقلي فيه لاقيته اسود بطلت اشتريها بعملها في البيت واحمرها في البيت اضمن
بنتي جابت السندوتش اللي هو الباتيه ده فتحته وزي اي طفله اكلت ع طول بعد ما اكلت منه استغربت الطعم بتبص فيه لاقيته مسوف
خلي بالكو من النقطه دي شوفو صلاحيه الحاجه قبل ما تشتروها ولما تفتحوها بصو فيها كويس واطمنو ..صحة ولادنا تستاهل
لما تسلقي الكرنب ماتشطفهوش اسلقيه نصف سلقه وسبيه يبرد برحته هيبقا تحفه بعد ما يستوي
