كلام ستات وشوية تكات
كتبت / عزه السيد
كلام جميل اسمعيه
عايزه اقولكم على شويه نصايح
لبيتك وليكى ولمطبخك
امسحى ازاز الشبابيك بمعطر جو
لو عندك كريم مرطب منتهى الصلاحيه امسحى بيه الخشب
كمان امسحى الخشب بخل الخل بيلمع الخشب
هاتى سرنجه وامليها عطر انتى بتحبيه
وحقنى شيلت الانتريه
والمراتب والمخدادات بس متكتريش
هتلاقى ريحه البيت ديما حلوه زيك
رشى معطر على ورد صناعى ووزعيه
فى اركان الشقه
حطى الملايه فى كيس المخده عشان
تسهل عليكى وقت البحث عن المفقود
عشان تتخلصى من الميكروبات والريحه
الوحشه رشى كربوناتو على السجاد
والمراتب واكنسيها بمكنسه
بعد استخدام فرشه الاسنان
حطيها فى شويه خل
وبعدين اشطفيها كويس
علقى فدولاب الهدوم كيس معطر
ال بيتحط فى العربيه
عشان زحمه الطرح فى الدولاب
هاتى باسكت بلاستك من بتوع الغسيل
وحطى فيه الطرح وحطيه ف درفه
من الدولاب
بليل ادهنى كعب رجلك بذبده كاكاو والبسى شراب
والصبح شوفى الجمال
حطى ذره دم غزال على كريم مرطب
وادهنى بيه وشك وكعب رجلك
شوفى بقا جمال ربانى
لو بيتوه منك اقلام الكحل واقلام ظل العيون
هاتى كاس وامليه خرز او لولى ال بيتحط على الهدوم
واغرزى فيه الاقلام وابقى قابلينى لو ضاع قلم
حطى ميه على خل ونضفى تلاجتك
من جوه وبرا هتلاقيها بتبروق
