كلام ستات وشوية تكات

كتبت / عزه السيد

كلام مفيد جدا

1_اوعي تنسي كيس فانيليا مفتوح ف باب التلاجه هيخليها ريحتها تحفه اطول وقت وطبعا بعد ما تتغسل

2_كيس الباسكت حطي الكيس الكبير جواه وطبعا يكون نضيف مترميش الزباله ع طول حطيها ف كيس صغير الاول بعد كده يتربط وف الشنطه الكبيره يمنع الريحه و مفيش هاموش ولا ناموس انسي

3_الخشب كلو يتمسح ب مياه وخل وبعد كده فوطه منديه ع حته حمام كريم من بتاع الشعر وامسحي الخشب كله هتلاقيه بقا تحفه

4_حمام الكريم بيعمل عازل للتراب جربي مش هتندمي

5 – حاولي توفري لو اى مبلغ بسيط وشوفى ناقصك ايه ..مثلا تجيبي زهريه ورد صغننه …او باسكت زباله صغير او مفرش فويل للبوتاجاز

كلها والله حاجات بسيطه بس تغيير وخلاص

فى مثل بيقول اكنس بيتك ورشه متعرفش مين هيخشوا

فلما حد يدخل عندك كده يلاقي كل حاجه ف مكانها ومنظمه ونضيفه هيتعلموا منك

ويا ستى سيبك من الناس انتي هتبقا نفسيتك احسن صدقيني

لو في تشققات فى رجلك مش عيب يختي ده من تعبك ووقفتك

حطي شويه اريل ع المايه وادعكي وبعد كده حته فازلين اللى فى الكيس ده وحطيهم ف رجلك والبسي شراب ونامي للصبح هتلاقيهااااا فووووله صدقيني وجربي

وبقولك ايه معلقتين زبادي ع معلقه عسل ابيض بقا احلي ماسك للوش علشان يطري