كلام ستات وشوية تكات
![](/wp-content/uploads/2024/07/inbound5530586696494103084.jpg)
كتبت / عزه السيد
كلام مفيد لكل ست بيت
جربي تحطي اربع خمس معالق سميد وزيهم شربات علي حشوه الكنافه وهتنبهري بالنتيجه.
مياه الرز سخنيها جنبك ع ماتشوحى الرز وحطيها
محشي البتنجان والكوسه قطعي فلفل اخضر واربع فصوص ثوم وضيفيهم للخلطه وشوفي الريحه والطعم .
ماتشتريش سميد بسبوسه جاهز هاتي السايب نتيجته أحلي
الفراخ المشويه سخني الصينية الأول وشوحيها بالتدريج قبل ما تسويها. هتلاقيها طريه (تاخد صدمة)
لو عندك علبه او حاجه خدت ريحه من الأكل وما طلعتش بالغسيل. امليها مياه ومعلقتين خل وسيبيهاشوية هتغسليها مش هتلاقي ريحه
اغلي اللبن واعمليه بالكاكاو وسيبه يبرد وع التلاجه واشربيه ساقع ف الصيف احلي من الجاهز
الكفته صبعيها ورصيها ف طبق وع التلاجه نص ساعه. وسخني الصينيه وانزلي واحده واحده هتطلع حلوه معاكي
ملح الليمون والكربوناتو دا اختراااااع ف التنضيف
،جربي الخلطه دي رووووعه
لمسح الشقه و الحمام ريحته بتقبا تحفه وبينور وتنفع تغسلي الرخامه بتاعت المطبخ كمان وبتعقم وريحتها يتقلب زي الديتول
ربع كوب فنيك علي ربع كوب برسيل جيل وكملي مياه اربعه لتر خلي لونها خفيف لمسح الشقه مش هتعوز شطف خالص .
بلاش كراكيب ف البلكونه وقدام الباب الله يسترك
جوزك وحماتك وعيالك. نرفزوكي. امشي علي جنب واستغفري كتييييير هتهدي .
معلقتين زيت ع المكرونه بعد السلق وقلبيهم مش هتلزق معاكى خالص .
ماتسلقيش البتنجان كتير وزودي ليمون كتير عليه هيطلع احلي مخلل بتنجان معاكي