كلام ستات وشوية تكات
كتبت / عزه السيد
كلام جميل ومفيد
تعالي اقولك شوية اسرار مطبخيه هتفيدك
١_ وانتى جايبة كمية بطاطس وخايفة تبوظ منك
حطى رأس توم هتساعد من أنها تفضل فترة طويلة من غير ما تبوظ
٢_ وانتى بتخزنى البامية ماتنسيش تضيفى عصير ليمون
عليها بكده هتحتافظ على لونها وخضارها
٣_لما تيجى تعصجى اللحمة وانتى بتحطى المادة الدهنية تشوحى معاها فصين مستكة وقبل ما تطفى عليها تحطى كمان معلقة صويا صوص
٤_وانتى بتعملى الحواوشى ضيفي معلقة طحينة أو معلقة دقيق التكة دى بتخلى اللحمة متنزلش سوايل على العيش ومتبوشهوش خصوصا في عجينة الحواوشى الاسكندراني
٥_ وانتى بتعملى الكفتة تضيفى في الخلطة بتاعتها معلقة نشا ومعلقة بيكنج بودر بالطريقة دى عمرها ما هتفك ولا تكش منك ابدا
٦_ لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى
هيبقى سهل معاكى جدا وانتى بتستخدميه
٧_ وانتى بتعملى الكيك ضيفى معلقة خل
هتفرق جدا فى لون وهشاشة الكيك
٨_ أوعية تنسي وانتي بتخزني توم ضعي معلقة الخل لما تيجى تفرمى التوم علشان تخزنيه ده بيخلى لون التوم فاتح لآخرلحد ما يخلص ده طبعا غير رشة الملح والزيت
٩_نضفى ضهر الطاسات اللى مليانة دهون بالصنفرة الخشنة بجد رهيبة ونتايجها روعة
