كلام ستات وشوية تكات
كتبت / عزه السيد
كلام جميل ومفيد
جربتى لما تيجى تعصجى اللحمة وانتى بتحطى المادة الدهنية تشوحى معاها فصين مستكة وقبل ما تطفى عليها
تحطى كمان معلقة صويا صوص جربي وادعيلى
جربتى وانتى بتعملى الحواوشى تضيف معلقة طحينة أو
معلقة دقيق التكة دى بتخلى اللحمة متنزلش سوايل على
العيش ومتبوشهوش خصوصا في عجينة الحواوشى الاسكندراني
جربتى وانتى جايبة كمية بطاطس وخايفة تبوظ منك
حطى رأس توم هتمنع من أنها تفضل فترة طويلة من
غير ما تبوظ
جربتى وانتى بتخزنى البامية تضيفى عصير ليمون
عليها بكده هتحتافظ على خضارها وكمان مادة حفظ
جربتى وانتى مستعجلة وعايزة تقشرى رأس توم وتفرميها
تجيبى مبشرة وتبشريها بالطريقة دي هيطلع القشر وحده والتوم المفروم جوه المبشرة وحده وبكده تبقى انجزتى
جربتى وانتى بتعملى الكفتة تضيفى في الخلطة بتاعتها معلقة دقيق ومعلقة بيكنج بودر بالطريقة دى عمرها ما
هتفك ولا تكش منك
جربتى لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى
هيبقى سهل معاكى جدا وانتى بتستخدميه
جربتى وانتى بتعملى الكيك تضيفى معلقة خل
هتفرق جدا فى لون وهشاشة الكيك
جربتى برضوا معلقة الخل لما تيجى تفرمى التوم
علشان تخزنيه ده بيخلى لون التوم فاتح لآخر ما يخلص
