كلام ستات وشوية تكات
كتبت / عزه السيد
كلام جميل ومفيد
1… عايزه تعرفى البكينج بودر كويس ولا لأ … رشى شويه منه على مايه لو عمل فوران يبقى كويس لو لا ارميه على طول
2….لو عاوزه بصل التقليه يطلع مقرمش ضيفي عليه رشه ملح ورشة دقيق هيطلع معاكي مقرمش وجميل وحطيه في مصفاة يتهوي من تحت ومن فوق.
3….لو الملح زاد فى الاكل ..ضيفى قطعه بطاطس او تفاح وشيليها عند التقديم بيقلل الملح باذن الله
4…عند سلق الخضار السوتيه ضيفى معلقه سكر وبلاش ملح خالص بيخلى الخضار لونه ميغيرش وياريت متغطيش الاناء الى بتسوى فيه.
5…لو الرز شاط منك شيليه فى حله تانيه على طول وضيفى عليه مكعب بطاطس بيقلل من ريحه الشياط
6…نصيحه لو بتسلقى مكرونه متغسلهاش صفيها ورجعيها الحله تانى وضيفيلها معلقه زبده او زيت ذره بجد بتفرق فى الطعم خالص.
7…لتعزيز نكهه البهارات حمصيها على النار شويه قبل الطحن هتفرق
8…ضيفى شويه خل على صابون الاطباق وشوفى اللمعان وانسى اى ريحه زفاره فى الاكواب .
9….اغسلى الفلتر بتاع المكنسه بالداوني بتاع الغسيل …وانتى بتكنسى هيغير ريحه البيت.
10….لو هتقلى فراخ بانيه او اسكلوب ضيفى للبقسماط معلقه نشا وبكينج بودر وشوفى القرمشه.
11…لو عندك حاجه عليها حبر متغسيليهاش هاتى قطعه قماش عليها كحول ابيض من الصيدليه وحطيها فوق البقعه من غير ماتدعكيها وباذن الله تروح.
12… لتنضيف الشنط البيضه الى باظت من العبايه امسحيها بقطعه قطن بالاسيتون.
13…عند بشر الجبنه امسحى المبشره بالزيت الجبنه مش هتلزق وهتتبشر بسهوله.
