كتبت / عزه السيد
كلام جميل ومفيد هينفعك في بيتك
لما تحمري الشعريه او المكرونه ضيفي شـويه ملح للزيت عشان اللون يبقى موحد ..
لما تسلقي الكرنب او القرنبيط ضيفـي ربع كوبايه لبن او معلقتين كبار ورشه سكر ورشه ملح ورشه كمون علـشان طعمه يبقى مسكر وكمان ما يبقاش في ريحه غازات ولونه ابيض ..
لما تسلقي البيض حطي شريحه او قشـره ليمون ورشه ملح عشان يمتص زفـاره البيض والقشر يتقشر بسرعه
حطي مع الفاصوليا او اللوبيا او اي نوع او فول او عدس حته جزر في ميه النقع او ميه السليق عشان تمتص اي غازات ..،،
حطي في كل اكلك رشه من السكر عشان اظهار الطعم
فى قلي السمك حطي مع الدقيق معلقتين كبار من النشا ورشه من الكركم عـلشان يديك قرمشه واي حاجه هتحمريها كل كوبايه دقيق حطي معلقتين نشا كبار
حطي في صلصه الطماطم رشه سكر وورقتين ثلاثه ورق لورا بتديكي طعم حلو للصلصه زي صلصه المطاعم
حطي ملح ورق لورا(ورق الغار )على الدقيق واي نوع من البقوليات علـشان ما تسوس
خدي معلقه عـسل اسود بحبه البركه كل يوم الصبح على الريق مفيد وهيديكي طاقه وكمان اشربي كوبايه مايه ،،
اعملي الكيكه بالزيت وفي الاخر ادهني الصينيه بقطعه زبده هتطلع رهيبه وكل اللى جرب كيكتى انبهر بيها
اعملي محسن خبز معلقه خميره كبيره نص كوبايه سكر معلقه خل كبيره معلقه بيكنيج بودر كبيره على ست كوبايات دقيق ،،
اسلقي المكرونه قبليها بيوم وكليها ثاني يوم علـشان تتحول لالياف وما تتخانوش ،،
حطي معلقه بيكنج بودر على اي نوع كفته عشان يزود حجمها ،،
لو ما عندكيش ورق زبده ادهني ورق الكراريس الرسم زيت واستعمليه
حطي قطـعه جـبنه او ملعقه جـبنه مثـلثات او كريمي على البشاميل هتديكي طعم وهمي ،،