كلام ستات وشوية تكات
كتبت / عزه السيد
كلام جميل ومفيد هينفعك في بيتك
قبل ماتنامي شطبي المطبخ من مواعين وبوتجاز وامسحي الرخامه بأي زيت عطري او معطر .
لما تغسلي انشري ع طول عشان متكسليش.
دايما خليكي مجهزه اكل جاهز ف الفريزر زي بانيه متبل كفته متبله عصجي لحمه مفرومه خليكي مسبكه طماطم هيسهلوا عليكى وقت كتير .
اول ما تنزلي تجيبي خزين البيت هاتي اللي يكفي شهر سواء لحوم او بقوليات لو الجو حر متكتريش خليها اسبوع باسبوع علشان مفيش حاجه تبوظ منك.
لما تجيبي فراخ نضفيها فى وقتها ع طول وجهزيهم ف كياس تلاجه او علب بلاستيك.
دايما الحقي وقت ماتلاقي اي خضار ينفع يتخزن او فاكهه وقت ماتكون رخيصه اغسليها وقطعيها وف كياس ع طول وعلي الفريزر
دايما كل اسبوع رتبي دولاب المطبخ كله.
اليومي هو انك تروقي الملايات وتكنسي وترشي معطر وتغسلي مواعين.
التنضيف العميق حددى يوم اسبوعى أو شهرى تشيلى السجاد تنضفى الارض وتمسحيها
تنضيف عميق للمطبخ والحمام بس اكيد مش كله فى يوم واحد علشان انا عرفاكو متجيش ع نفسك وصحتك ترتبي الدولايب وترتبي التسريحة
