كتبت / عزه السيد
شويه نصائح وكلام جميل هيفيدك ف المطبخ
١_لما تيجي تعملى البشاميل متنزليش باللبن والشوربه سخنين يكون بدرجة حراره الغرفه عشان يكون كريمي وميكلكعش
مخبوزات معجنات
٢_اي حاجه هتعمليها فيها خميره اختبري الخميره الاول ممكن تكون فاسده وهتكون خساره كبيره
تخزين غسيل
٣_يفضل تصفيه الزيت لو هتستخدميه مره تانيه خاصة اذا كنتي قليتي فيه حاجه فيها بيض او بقسماط او دقيق
٤_ضعي فص مستكه مع اللحم او الدجاج بيديها طعم تاني او نسيحها مع السمن ونشوح اللحوم بتبقي تحفه
مخلل
٥_ الباذنجان المخلل حطي خل وملح في ماية السلق بتاعته هيبقي لونه حلو
٦_اسرع طريقة لتقشير الثوم انك تنقعيه في ميا قبل التقشير هيتقشر بسهولة
٧_الباذنجان الرومي عفريه بدقيق قبل ما تقليه مش هيشرب زيت
معلومات تريند
٨_ماتحطيش الملح على السلطة إلا عند التقديم وياريت تحطي معاها معلقة خل ومعلقة زيت
٩_قبل ماتحطي اللبن فى الحله على النار حطى معلقتين ميه لا يمكن يلزق
١٠_اوعي تستخدمي معلقه مبلوله في برطمان الصلصه عشان ميعفنش
١١_لما تشتري اللفت هاتي اللي لونها بينك بيكون وردي وجميل بلاش اللي قشرته بنفسجي غامق ده بيسود لما بيتخلل
١٢_السمنه مع الزيت في الارز بيخليه أحلي بكتير.
