كلام ستات وشوية تكات
كتبت/ عزه السيد
كلام ستات وشوية تكات
عشان تعملي احلي ملوخية حطي نص معلقة صلصه اوبشر طمطمايه في الشوربة وحطي الملوخيه علي الشوربه بارده عشان متكلكعش معاكي وتعمل ريم ابيض وبعد ماتحطي الملوخيه متغطيهاش
عشان الخضره تقعد مده طويله بتغسليها وتنشفيها كويس جدا وتحطيها في برطمان زجاج ومعاها معلقة استنلس ونقفله وتحطيه في الثلاجة
لما تيجي تسقي المحشي جربي تحطي ٣معالق من تسبيكه المحشي علي الشوربه قبل ما تسقي المحشي هتلاقيه لونه بعد مايستوي احمر وجميل
حطي شوية بكينج بودر ومعلقه نشا مع البقسماط وانتي بتقلي البانيه اوالفراخ الكنتاكي بتبقي مقرمشه وطعمها حلو
هتسلقي لحمه لازم تحطي بصله في الشوربه وجزر وورق لورا وحبهان
ونشيل الريم اللي بيطلع علي الوش وبعد ماتغلي نهدي النار عشان تستوي كويس من غير ماتتهري معاكي
ومنضفش الملح في الأول لما تقرب تستوي بنضيف الملح ولو هتحتاجي تزودي ميا تكون سخنه لان الماء البارد بينشف اللحمه
لما تيجي تعملى الكفته ضيفي لكل كيلو لحم مفروم ١٠٠ جرام دهن وحطيها في الثلاجه بعد تتبيلها حتى تتماسك ويبقي سهل استخدامها.
