كلام ستات وشوية تكات
كتبت عزه السيد
كلام مهم جدا لكل ست بيت
جدول لترويق البيت
التنضيف اليومي هيكون اوضه اوضه بصي حاولي تخلي لكل اوضه ربع ساعه فقط وان شاء الله لو مشيتى علي الجداول دي هيكون بيتك علي طول نضيف فا مش هياخد معاكى وقت التنضيف
اولا اوضه النوم
رتبي السرير لمي الكركيب مع انى مفروض اوضه النوم ما فهاش كراكيب
لمى الهدوم لمعي الخشب ولمعي الزجاج
نضفي التسريحه اكنسي الارض وامسحي بمعطر اوديتول او كلوركس الوان تحفه الكيس ب2 جنيه بريحه الورد تحفه
عطري الاوضه وغيري الكيس الي في البسكت ماهو لازم كل اوضه فيها بسكت من ابو 2ونصف دول واقفلي الباب
تانيااوضه الاولاد
رتبى السراير لمى العب والكركيب بتاعتهم في بسكت ولو اولادك كبار لازم تعوديهم علي لم حاجتهم لوحدهم
الهدوم اللي مش نضيف علي الغساله والنضيف علي الدولاب
لمعي كل الخشب الي في الاوضه اكنسي الارض وامسحي الظاهر من السراميك
غيري كيس البسكت وافتحي الاوضه تتهوي وانتى بتشتغلي ساعه واقفلي علشات العفار
عطري الاوضه واقفلي الباب
ثالتاالانتريه والصالون زي بعض ممكن الانتريه لوهيا اوضه المعيشه زي عندي مجهودها اكتر
رتبى الكراسي ونفضيها امسحي الخشب
لمي الكراكيب نظمى المكتب ومكتب الكمبيوتر
اكنسي الارض وامسحي الظاهر من الارض
عطري وغيري الكيس بتاع البسكت اقفلي الباب بتاع الاوضه لو بيتقفل
رابعاالمطبخ روقي الرخام لمي المواعين في الحوض
اغسلي الرخامه اغسلي البوتاجاز اكنسي الارض
اقفي اغسلي المواعين والارض نضيفه علشان لو وقعت مايه علي الارض تكون الارض مكنوسه ميلزقش التراب
امسحي الاشانى الي حولين الحوض واغسلي الحنفيه
امسحى الارض لمى الزباله في كيس ونضفي بسكت الزباله اوعي تسبيه يوم من غير غسيل
افرشى الأرض
خامساالحمام اعزكم الله
نضفي المريات نضفي حوض الوش
امسحي الاشاني اغسلي البانيو ان وجد
اغسلي التواليت اعزكم الله اغسلي الخلاطات كلها
ادعكى الارض امسحي وجري الميه علي البلاعه ونشفي الارض خالص خدي شور
واطلعي ادعيلي
البيت هياخد معاكي ساعه ونص بالكتير
ادوات التنضيف ديتول سايب كلوركس الوان وكيس كومفرت حطي منو مقدار في البخاخه وزودي الباقي مياه وخليه في ايدك ترشي بيه ع الفرش والعفش بيخلي ريحة الشقة تجنن
فوطه مطبخ ام 2ونصف للخشب بتاع الشقه جرايد للزجاج
معطر انا بستعمل اسانس الخوخ او البرتقال تحفه
مقشه سللك مقشه ناعمه
جردل المسح الشرشوبه انا بمسح بالشرشوبه واغسلها بكلور وعلقها في الخلاط المحبس بتاع الميه فوق البلاعه علشان تصفي الميه في البلاعه
طبق لمسح الخشب
اغسلي الفوط بتاعه المطبخ يوميا الزباله ماتبتش في البيت.
