كلام ستات وشوية تكات
كتبت / عزه السيد
كلام ستات وشوية تكات
١_ الباذنجان المخلل ضيفي بقدونس مفروم مع الثوم بيدى طعم حلو جدا وبلاش كمون علي الباذنجان
٢_ ملعقة سكر صغيرة في #صلصة المكرونة عشان متعملش حموضة
٣_ البطاطس قبل ماتحمريها اسلقيها خمس دقائق في ميه وملح
ومعلقة خل بتقرمش ومش بتشرب زيت
٤_ قشر_الليمون مترميهوش حطيه ف سائل غسيل المواعين بيدى لمعة وريحة جميلة
٥_لو عندك اكله محتاجة كريمة وملقتيش ذوبي معلقتين زبدة مع لبن كامل الدسم ومعلقه صغيره نشا واستخدميهم وهيبقي عندك كريمة طبيعية
٦_ محشي ورق العنب سخني حته زبدة وحطيه عليه قبل ما يتشرب بشوية عشان يبقى بيلمع وطعمة جميل
٧_حطي معلقه عسل اسود او سكر صغيرة
في تتبيلة الفراخ المشوية بتدى طعم حلو ولون للفراخ رائع
٨_حطي زبادي في تتبيلة البانية بيخلية طرى ومستوى كويس
٩_ ادعكي الفراخ ببصلة وملح وفلفل وقيل من الزنجبيل الفراخ قبل السلق عشان يبقى ليها طعم وريحة ومتبقاش زفرة
١٠_ الرز_باللبن ضيفي كيس كريم شانتيه هيخلى الطعم جامد وزى بتاع برة بالظبط
١١_ رشي دقيق و ملح علي بصل الكشري قبل التحمير
علشان يكون مقرمش وميشربش زيت
١٢_رشة زعتر علي صلصة المكرونة بتدى ريحة حلو وطعم مميز
١٣_حطي بيكنج_صودا علي عجينة الكفته المشوية ميخلهاش تكش وتكون منفوشة زى ما هى
١٤_ تشوح اللحم في السمنه وحبهان وورق لورا وبصل قبل السلق نديها صدمة فعلا بيفرق جداا فطعمها وطعم الشوربة
١٥ _الرز الابيض شوحي مستكة وحبهان في السمن قبل الرز هيخلى طعمه يجنن ولما تنزلي ب بالرز ضيفى ملعقه خل ابيض هيخلى الرز لونه ابيض زى الحليب
١٦_لاحلي صلصة مكرونة اضربي مع الطماطم فصين ثوم و فلفل رومي وفلفل حامي وشوفي طعمها حلو ازاي
١٧ _ إدهني الفراخ و البط بصلصة وملح وفلفل ولمون قبل ما تحطيها فى الفرن هيخليها لونها حلو
١٨_ وانتي بتقلي البانيه حطي ملعقة زبدة مع الزيت هيبقي زي المطاعم
١٩_وانتي بتسوي محشي الكرنب حطي فصين ثوم علي وش الحله وانزلي بالشوربه المحشي هيجيب لآخر الشارع.
