كلام ستات وشوية تكات
كتبت عزه السيد
عودي نفسك دايما لما تشتري طماطم وتسبيكي ابقي سبكي اتنين كيلو زيادة للطواري وحطيهم في الديب فريزر هينفعوكي في وقت ازمه…
دايما عودي نفسك تشيلي اللحمه المفروم متعصجه
عودي نفسك متشتريش فيجيتار نشفي الفينو الفايض منك واطحنيه وحطي عليه ببريكا توم بودر بصل بودر فلفل اسود شويه زعتر وشويه دقيق
هيبقا احلا من الفيجيتار الجاهز وهيوفر
عودى نفسك بواقى الرقاق و
الجلاش المكسر جمعيهم فى كيس وحمصيهم فى الفرن واعملى بيهم احلى أم_على فى البرام (ملعقين سمن بلدي + زبيب + جوز الهند ومكسور + لبن محلى بالسكر مغلى بالفانيليا + ملعقتين قشطه على الوجه)وحطيها تحت الشوايه هتبقى احلى ام علي
عودى نفسك تشيلي ملعقتين عصاج مستوى او حتتين بسطرمه اى بواقى فراخ وجمعيهم فى كيس واعملى بيهم احلى بيتزا لحوم مشكل
عودي نفسك متشليش البانيه غير وهو متبل مترمهوش كدة في الديب فريزر وخلاص وقسميه علي اد استعمالك
عودي نفسك تعملي تدبيله السلطه وحطيه في ازازة في التلاجه
حطي معلقه ملح ومعلقه كمون ربع معلقه فلفل اسود وحطي نص كوبايه خل ربع كوب زيت نص كوب مايه وكل ماعملي سلطه حطي عليها
عودي. نفسك
كفته الرز لما تعمليها متشلهاش كدة لا حمريها الاول هتبقا اسهل لما تخرجيها
عودي نفسك لما تشتري فراخ تبليها قبل متحطيها في الديب فريزر بصله صغيرة شويه فلفل اسود وادعكيها بيها لما تطلعيها تسلقيها هتبقا تحفه ولو شايلاها للشوي ابقي زودي التتبيله شويه
عودى نفسك تتبلى كفته و برجر عشان لو جالك ضيف فجأه تتصرفى.
