الاسرة والطفل

كلام ستات وشوية تكات.

كتبت / عزه السيد

 

اول تكه في البطاطا :

انا اما بشوي البطاطا في الفرن بخرمها كتيير بالشوكة علشان بتنزل العسل اللي جواها

وجربي كده اخرمي واحدة وواحدة لا وهتشوفي الفرق في الطعم

اللي بتكون مخرمة اكييد طعمها هيكون احلى

– تاني تكه الفانيليا :

يا سلام عليها لو ضيفناها على اي حاجة بتخليها خيال

على العصاير خصوصا لو اي حاجة فيها لبن

بلح _ جوافة _ موز اي عصير هتحسي طعمه زي اللي بتشربيه في احلى الكافيهات

وعلى البشاميل

وعلى عجينة البيتزا طعمها بتكون ولا بيتزا هت

وممكن نضيفها على الفيشار كمان

مش بقولكوا الفانيليا دي حاجة تحفة

– تالت تكه :

اما بسيح السمن بضيفله ورق لورى وحبهان

بيديله ريحة حلوة اوي ويتخزن لمدة سنة بنفس الريحة

– رابع تكه :

صلصة الكشري اما بعملها وتخلص بعملها طشة توومة بكزبرة كتيير بتفرق في طعم الكشري كله

وده سر من اسرار كشري ابو طارق

– خامس تكه :

اما تشتري اللبن وتحسي او تشكي انه ممكن يكون رايب

او هيروب وهو بيغلي اول ماتحطيه عالنار ضيفيله معلقة بيكنج بودر كبيرة وقلبيها فيه

ان شاء الله مش هيروب خالص

– سادس تكه :

حفظ الخضروات الورقية زي الشبت والبقدونس والجرجير انا بغسلهم وانشفهم في فوطة نظيفة بس مايكونش فيه نقطة مية واحدة والفها في ورق ابيض نظيف مش كيس علشان الكيس بيعمل بخار مية وينزل عالخضار يسوده ويبوظه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.