كلام ستات وشوية تكات
كتبت / عزه السيد
كلام ستات مفيد لكل زوجه
بالنسبة للبوتجاز والأحواض وخصوصا حوض المطبخ
هيلمع وهيتعقم و خلاطات المياه ريحه وتعقيم لمعان
اما الازاز بقي هيبرق ويبقي كريستال
والمفاجأة أن السعر ببلاش هتقوليلي ازاي بقااا
احنا يعتبر في فصل الشتاء اللي مفيش اكتر من قشر البرتقال بيترمي فيه يعني وصفة من البيت ومن غير تكالف خالص
احنا بقي مش هنرمي قشور البرتقال وهنجمع حبه محترمين كده ونعمل بيهم المنتج السحري اللي هنستخدمه النهاردة
هتغلي كوبيتن مياه علي النار ونحط فيها قشور البرتقال لحد لما تغلي كويس
ولازم يكون على نار هادئة جدا واكون مغطيه عليه كاني بسبكه كده لحد كل زيوت البرتقال تتطلع وبعد ما يصفر لون المياه جامد
اخد المياه وصفيها في ازازه وضيفي عليها معلقه كربوناتوا ومعلقتين صابون سائل ورجي السائل كويس
واتفرجى بيتك هيكون عامل زي الفواحة واحسن واي ريحه وحشه مش هتلاقيها اقسم بالله انتي حتشوفي الجمال والنظافة بجد وحاجه ببلاش كده.
