كلام ستات وشوية تكات.
كتبت / عزه السيد
– لما يكون عندك وصفه فيها تحمير بصل وتوم نزلي البصل الاول عشان التوم سهل يتحرق بسرعه
-دايما زودي مع الزبده شويه زيت اثناء الطبخ عشان الزبده ممكن تتحرق
– سخني الفرن قبل خبز الكيك بعشر دقايق ولما تستوي اقفلي النار وسيبي الكيكه جوه الفرن والباب موارب عشان درجه حرارتها تهدأ تدريجيا ومتهبطش منك
– دايما استخدمي دقيق متعدد الاستخدامات للكيك وضيفي معلقة خل صغيرة ومتقلقيش مش هتبان في الطعم عشان يبقي هش ولونه فاتح وجميل
– متطبخيش اللحمه وهى مجمده ابدا خليها تفك شويه وبعد كده سويها براحتك وبالطريقة التعجبك وعشان تفك بسرعة انقعيها في مية عليها معلقة ملح ورشة سكر
– دايما خلي اللحوم والفراخ تستوي على نار هاديه عشان تطلع دايبه وجوسي ولو فيها اى صوص يكون مركز
– جربي تزودي على السلطه حاجة بسيطة من بشر الليمون هتخلي طعمها مميز جدا
– انقعي البطاطس قبل القلي او الطبخ فى ميه وملح عشان متسودش وتنزل اي نشا زيادة
– زودي ملح ورشة سكر على بصل السلطه وافركيهم وسبيهم خمس دقايق وبعد كدة ضيفيه علي السلطة وده عشان يضيع اى ريحه فى الفم بعد الاكل
–
