كلام ستات وشوية تكات

كتبت / عزه السيد

شوية افكار فى المطبخ

• ‏لو الخيار قعد عندك فترة طويلة قطعيه و حطيله ماء و ثوم و ملح و خل و شوية و كلى احلى مخلل

• ‏و انتى بتقلى السمك حطى فى الزيت قشرة نص ليمونة هتضيع ريحة الزيت و الزفارة

• ‏لو عملتى كيكة و فضلت عندك و محدش عاوز ياكلها حطيلها كريم شانتيه و فاكهة و حطيها فى كاسات و هياكلوها

• ‏لو بتحبوا تعملوا التوابل فى البيت قبل ما تطحنيها اديها تشويحة و سبيها تبرد و اطحنيها

• ‏لو عندك لحمة أو فراخ زيادة و زهتقوا منها حطوا عليها بصل و فلفل الوان و طماطم و حطوها على النار و تبقى احلى شاورما

• ‏ممكن تعملى البقسماط فى البيت هاتى الفينو الناشف و اطحنيه و حطيله توابل

• ‏القشطة اللى بتفضل منك جمعيها و ارفعيها على النار و سبيها لحد ما تبقى سمنة

• و انتى بتعملى البشاميل حطى نصه لبن و نصه شوربة هتلاقى طعمه احلى و هتوفرى كمان