كلام ستات وشوية تكات

كتبت / عزه السيد

شوية نصايح گدة ليكي و للشقة و أنتوا بتنضفواا يارب تفيدكم ..

١/ المعالق و الشوگ كل فترة تتنقع ف ماية وكاربونته لمده 10 دقايق بس عشان تتعقم وتتغسل كويس بالصابون والميه و عشان لونها بيرجع يلمع تانى

٢/ لو عندك حلل و صوانى ألمونيا وانتى بتغسليها حطى شوية خل وأنت بتدعكيها واديها متحرمهاش يا بطتي وادعكي بزمه هتلاقيها بتلمع

٣/ لو بتقطعى البصل ومعندكيش كبه انقعي في مايه وتلج ومش هتدمعي

٤/ حطى حتة فحم فى التلاجة هتمتص ريحة الأگل ،،ومتنسيش كل مدة تعقمي التلاجه بقطعه قماش فيها خل

٥/ دايما مكان الرخامه بتاعه المطبخ لو حطيتي عليها اي فراخ لحمه وهما نيين متنسيش تدعكيها كويس باللمون وبعدين اغسليها كويس ياريت خل مع الصابون علشان المكروبات

٦/ السجاد و أنت بتمسحى ،، تجيبى شوية ماية ف جردل وحطى فيها ديتول داونى بتاع اللبس و اعملى السجاد بالفرشة وهى مبلولة شوية و هتدى ريحة جميلة ف الشقة و لو فى أى فتل او شعر هتتشال

٧/ المقشة تتغسل گل يوم بليل و تتساب تنشف عشان ميتجمعش عليها التراب هى و الجاروف ..

٨/ الحمام قبل ما تبدأى تنضيف الشقة ،، أملى جردك في شويه كلور وشويه مسحوق وشويه ديتول وادلي علي الحيطان والقاعدة والحوض والارض وروقي شقتك عقبال متخلصي هيكون اتعقم ادعكي بقا هيبقا قشطه

9/ ف الصيف لازم تجيبى بودرة الحشرات أو العجينة و تحطيها تحت البتوجاز والحوض. علشان الحشرات متفكرش تقرب عند مطبخك