الاسرة والطفل

كلام ستات وشوية تكات

كتبت / عزه السيد

 

نصائح مطبخيه

عشان الشوربة بتاعتك تبقى خرافة اعملي الحركة

بعد م اللحمة او الفراخ تستوي تاخدي البصلة اللى في الشوربة وتهرسيها بشوكة في طاسة على النار مع معلقة سمنة بلدي ورشة ملح وفلفل اسود وحمريها شوية وانزلي عليها بالشوربة

اي لحمه او فراخ تسلقيها بلاش تشيليها ع الطول من الشوربة بتاعتها خليها نص ساعه بدون نار في الشوربه علشان اللحمه تبقى طعمها حلو
بس خلى بالك متكونيش مسويه اللحمه او الفراخ اوووى يعنى مهريه لان لوسبتيها فى الشوربه كتير هتتهرى اكتر

حطى الخلطة دى مع الشوربه داايما والخلطة دى بجد بتغير طعم الشوربة وبتكون احلى
(ورقتين لورا+ فلفل اسود +مستكة +حبهان + كسبرة ناشفه + رشه صغيرة كبابه صينى مطحونة او حبيتين )
وتفرغيهم فى برطمان وتضيفى على اى شوربه بتعمليها بيديها طعم وريحه خراافة

وانتوا بتسلقوا الفراخ او اللحمة تقطعوا عروق الكرفس بتشيل الزفارة وبتدي ريحة وطعم رائع للشوربه

وعايزة تاكلى احلى فراخ بدون زفاره اغسلى الفرخه كويس جدا وانقعيها فى ميه وملح وخل وبعدين ادعكيها بالدقيق وشطفيها بالميه .. واهم تركه خليها تتصفى كويس جدا من الميه وبعدين تتبليها بالملح والفلفل الاسود وتقطعى نص بصلة ونص حبه طماطم فى قلب الفرخة وتقفلى الفرخه وتسبيها ربع ساعة
وبعدين شويه زيت اوسمنه وحبهان ومستكه ونزلى الفرخه تتشوح وبعدين ضيفى حبه البصل وحبه الطماطم وجزرة وقلبيهم وعليهم البهارات وبعدين الميه
بس اوعى تزودى الميه يدوب تغطى الفرخة علشان تستمتعى بشوربتها

شوربه اللسان العصفور:
هى حاجة بسيطه خالص تعمليها بس الشكل والطعم بيكون مختلف
حمرى لسان العصفور مع فصين حبهان
واطفيهم بطماطمة مبشورة قبل وضع الشوربه
ومتغطيش الحله بعد ما تعملى الشوربه أو نصف تغطيه عشان ما ينفش لسان العصفور وينشف الشوربة .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.