كلام ستات وشوية تكات

كتبت / عزه السيد

شوية نصائح منزليه رائعه

شوية خل فى مياه غسيل المواعين بتفرق كتير بتمنع التصاق الصابون لانها بيلتصق بالمواعين ولا يطلع منها بد. بالماء فقط فوضع الخل يجعلها تشطف جيدا ويزيل كل الصتبون العالق وبتنضف وتطهر وتلمع المواعين

الطماطم بعد ما تتعمل بالخلاط بتتصفي من القشر والتفل عشان مايبقاش فيها طعم مرار

– نحط نقطة زيت على وش برطمان الصلصة عمرها ما تعمل عفن

– عصير الجوافه أو الموز عليه نص ليمونه ميخلهوش يسود

– واحنا بنخزن الفراخ نقطع معاها شرايح ليمون ونحطها بعد ما تتصفي كويس فى كيس التخزين

– مانفتحش على الفول كتير أثناء التدميس الهواء هو اللى بيخلى القشرة بتاعته تسود وياريت يتسوى فى إناء فتحته ضيقة زى الدماسة عشان نقلل مساحة احتكاك سطحه بالهواء
–
– فصين توم ع البسلة بتغير الطعم تماما للاحلي

– للاحتفاظ بالخضره وقت اكتر حطي معلقه أو شوكة معاها فى كيس التخزين ونقفل الكيس كويس بعد م نفضي منه الهوا

– لحفظ الليمون نلف كل ليمونه فى ورق فويل او ورق جرايد ونحطهم فى علبه كده بيعيش مده اطول

– بعد ما نتبل البانيه نحطه فى البقسماط وعلى الفريزر نص ساعه هيتماسك معانا ومش هيفك ابدا واحنا بنحمره

– لو عندك كاتيل استانلس اغلي فيه مياه وملح ليمون حينضف ويبقي بيلمع

– اللحمه مش بيتحطلها ملح الا ف آخر نص ساعه وشوية سكر صغيرين ونص معلقة صغيرة بيكربوناتو لو اللحمه كبيرة بيساعدوا على التسويه بسرعه
– مانحطش زيت واحنا بنسلق مكرونة هنستخدمها فى بشاميل أو وايت صوص عشان بيزحلق الكريمة من على المكرونة وبتبقى كأنها مسلوقة
– البصل الأبيض للطبخ والأحمر للسلطات والساندوتشات

– نشوح الفراخ بملح وفلفل قبل ما نضيف مياه الشوربه بتفرق جدا فى الطعم

معلقة صغيرة خل مع شوربة الرز بتخليه يطلع أبيض زاهى ومفلفل وشكله جميل

– نضيف على عصير الليمون ربع كوبايه لبن بيبقي تحفه
–
– للتخلص من اي دهون على البوتجاز كربانوتو وملح ليمون وخل بتشيل اي دهووون

– لو مش عاوزين الكفته تكش مننا نضيف معلقه بقسماط ونص معلقه بيكنج بودر عليها