لازم نفكر ونفهم

بقلم / حسان أبو جازية

الاحداث السريعة الي تمت  في الأيام القليلة الماضية  كانت لينا كـمصريين بمثابة ضوء  احمر كشف لنا حاجات كثيرة أهمها:

• كشفت لنا ان هناك أفراد من الشعب مغيبة في الفكر واصابهم العمي وليس لديهم  بصيرة في الرؤية الكافية التي تجعلهم أن يكون عندهم رؤية في  النقد او الحيادية ..

• كشفت لنا ان اختيارنا اننا نكمل في طريقنا وعدم تراجعنا كان صح وعكس البعض اللي قرر ميتكلمش في السياسة علشان ميزعلش حبايبه او صحابه اللي ضد توجهه ..

• كشفت لنا ان الممولين لسه مزهقوس وكلنا قولنا أن التمويلات وقفت ، ولكن  هي فعلا وقفت لناس كانت كروت واتحرقت ، لكن اتحولت لوجوه جديدة بيتلعب بيها دلوقتي منها كلاب  عرفناهم  ومنها لم يكشف عن نفسه بعد ..

• كشفت لنا ان اعدائنا وكل ما هنتقدم خطوة في أي مجال هـ يظهر لنا اعداء من مصلحتهم ان مصر تتراجع ومتكملش .

اللي حصل بالنسبة للمتأمرين جس نبض بس .. كان اختبار للثقه بين الشعب وجيشه .. بين الشعب ورئيسه.. واتضح لهم ان الثفة قوية .

وطبعا لازم اوضح شئ مهم جداً:

في كل مرة ومن ٢٠١١ لحد النهاردة كان هدفهم الاساسي اسقاط الدولة لكن كان بـيوهموكم انه عايز يسقط رئيس أو نظام او جهاز امني ، لأنك لو اخدت بالك ان النشطاء  كانوا ضد مبارك ، وبعدها اختارو مرسي ، وبعد كدا هاجموه ، ولو جه ملاك من السماء كانو هـيبقو ضده لان هدفهم مش الاستقرار ابداً والهدف الرئيسي هو اسقاط الدولة المصرية ، لكن في كل مرة كان العقبه امامهم هو الجيش ، علشان كدا المرة دي الهجمة شرسة علي الجيش

لان الجيش مش عقبة امام اسقاط الدولة بس ، لكن عقبة امام خططات كثيرة  ولازم نفهمها كويس وهي ::

• طبعا كلنا عارفين ان مصر ودول عربية اخري رفضوا صفقة القرن ، واسرائيل ترغب في تنفيذها لكن العقبة امامها فقط هو جيش مصر ..

• موضوع اكتشافات الغاز المصرية يثير قلق وغضب الرئيس التركي أردوغان , لانه كان بيحلم انه تركيا تبقى مركز الغاز الاقليمي وتمر من عنده انابيب الغاز القطري والاسرائيلي والبترول العراقي لاوروبا ويستفيد ، لكن مصر قضت على حلمه واصبحت هي المركز الاقليمي ومقر منتدى غاز شرق المتوسط . ويحاول ان يثير القلاقل ويزعم ان ترسيم الحدود بين مصر وقبرص باطل وعايز حصتها من حقل ظهر باعتبار تركيا تحكم جزء من قبرص واللي هو الجزء الشمالي اللي بـ تحتله تركيا منذ عام ١٩٧٤ , وأعلنت إنشاء جمهورية شمال قبرص التركية ولم تعترف أي دولة في العالم بها سوى الدولة التركية ، وطبعا تركيا دخلت المياه القبرصية عنوة وعايزة تسيطر علي حقل ظُهر المصري ولكن ايه العقبة اللي امامهاجيش مصر ..

• دا غير روسيا اللي  هنحل محلها ونبقي حنفية الغاز لاوروبا بعد الاحتكار التركي اللي دام لـعقود وكان الغاز هو ورقة الضغط علي الاتحاد الاوربي اجمع ..

• طبعا كلنا شايفين الاحداث الجديدة ورفض الاثيوبيين لطلبات مصر بخصوص فترة ملئ سد النهضة ، بعد دعم اسرائيل لها بمنظومة صواريخ Spyder-MR المضاد للطائرات  واحتمالية وجود حرب لان موضوع المياه مسألة حياه او موت لينا ..

• كلنا برضو شايفين تآمر امريكا علي الدول اللي ملهاش فيها قواعد ويتجبرها بالذوق والعافية بواسطة اذرعها في المنطقة (ايران واسرائيل وقطر) انها تقبل بوجود قواعد … زي السعودية مثلا واللي بيحصل فيها هـ يخليها مجبرة تطلب من امريكا الحماية ..

مع العلم ان الطلب الامريكي ببناء قواعد في مصر كان ومازال قائم لكن مصر ترفض في كل مرة لان عندها جيش قادر يحميها ..

وبناء علي ماسبق لو حضرتك نظرت نظرة متمعنة هـ تعرف ان العقبة امام سرقة غاز مصر وصفقة القرن وتنفيذ الاجندة الامريكية والتركية والقطرية والاسرائيلية هو جيش مصر ..

هل حضرتك قادر علي مواجهة دا كله و جيشك بدون ظهير شعبي او مُنهکك في فوضي داخلية

وفي الاتجاه الأخر احنا مش حنبطل نقول ونعيد ونفهم الناس اللي كلمة توديها وكله تجيبها

ان الحرب لسه مانتهتش . وان الأعداء مش هـيوقفوا تآمر ومش حيبطلوا تمويلات .

ولكننا صامدون بالتلاحم بين الشعب وقيادته وفي حماية جيشه وشرطته

شكرا لكل انسان وطني مخلص ساند وطنه وجيشة ورئيسة  وعرف الفرق بينه وبين ما يطلقون علي أنفسهم وطنين ولكن في الحقيقة أنهم ناقمين