بقلم / أمل الوكيل
بعد أي صدمة في حياتنا للأسف كُلنا بنغلط نفس الغلطة ،وهي إننا بنبحث عن نفسنا القديمة!!
ودا طريق ومشوار صعب إذ لم يكن مُستحيل.
عُمرك ما هتلاقي نفسك القديمة ولا هترجع ليها، التجربة اللي إنتَ عيشتها بتغيّر فيك حاجات كتير من غير ما تحس، عشان كدا ما تضيّعش وقتك في البحث عن اللي راح، خُد من اللي عيشته وعوّض اللي راح.
خُد من التجربة ألمها اللي هيقوي قلبك، خُد الخِبرة اللي كونتها،
خُد كُل حاجة كانت نقصاك قبل التجربة اللي هزمتك ووقتها هتبقى عامل ميكس عظيم بين شخصيتك القديمة وبين قوّتك اللي اِكتسبتها بتجاربك
وفي الحالة دي مَحدّش هيقدر يهزمك تاني ولا هتبقى صيد سهل .