مافيش حزن يدوم لسنين

بتمرد علي دمعي
وأقول يمكن غشاوة عين
وبكره الفرح يسمعني
مافيش حزن يدوم لسنين
ولاباطل يهزم حق
ولا ضحكه تموت م الدمع
ولا فرد يهلك جمع
اااااااااااااااااااه
ياليل العدل ياساكن
بيوت ظالمين
انا أبقي مين ؟!
أنا تصنيفي في بلدي
م المساكين
بحل مشاكلي بالطاعة
ما شفت الفرح ولا ساعه
ضماير خلق متباعه
في سوق الكدب والضالين
انا الماضي انا الحاضر
انا المصري انا الساخر
انا اللي صبري عذبني
بقاله سنيين
وبتمرد علي دمعي
وأقول يمكن غشاوة عين