متتعشموش غير في ربنا وبس

بقلم / عزه السيد

لما بتتوجع من حد غالي عليك اوي .. بتسكت وتبعد

ومبتعرفش تعاتبه .. لكن السكوت دة بيكون من برة بس انما من جواك موجوع ..

وكل ما مدة الغياب والزعل بيطول كل ما قلبك بيتوجع زيادة وتتصدم فيه اكتر .. كل ما بتصعب عليك نفسك وتكتشف انك طلعت ولا حاجه .. وانه زيك زي اي حد عادي عنده .. ممكن تتساب بمنتهي السهولة ..

لما تكتشف انك ولا غالي ولا حاجه ..

بالعكس دة انت اقل من انهم يراضوك ولو بكلمة ..

لما تعرف ان انت متكسرش بخاطرك ..

لاء دة انت ماطلعش ليك خاطر من الاساس ..

عشان كدة متتعشموش ف حد ..

ماتتعشموش غير فى ربنا_ ربنا وبس ..