مساء الإنسانية.. تذكرة مترو

النهاردة وانا بركب المترو في محطة الشهداء وبعد ما قطعت تذكرة لقيت واحد شايل بنت صغيرة علي كتفه وعرقان وواقف في طابور طويل ومحدش فكر يقوله تعالي ادخل هات تذكرة من غير ما تقف المهم سألته انت نازل فين قالي محطة الجيزة فسألته عن تمن التذكرة قال ما اعرفش فرد واحد من الل واقفين في الطابور قال ب 3 جنيه اديته تذكرتي ووقفت مكانه عشان اجيب تذكرة تانية فالراجل علي استحياء خدها وطلب أنه يدفع تمنها وانا رفضت قولت له دي هدية للعروسة الصغيرة دي فضحك وخدها ومشي بعد دقيقة رجع قال انا متأسف الجيزة بخمسة جنيه وصمم اني اخد تذكرتي ويديني خمسة جنيه أقطع له تذكرة ساعتها الناس بدأت تاخد بالها فقرروا اني ادخل أقطع تذكرة الراجل دا من غير ما أقف في الطابور مع بعض الدعوات الحمد لله .. الشاهد ان الناس محتاجة حد يفكرها او يذكرها بالخير فيه ناس كتير اوي جواهم خير بس محتاجين حد يفكرهم او ياخد بايديهم خلونا دايما ناخد بأيد بعض ..

منقولة من صفحة على قطب