من القلب للقلب.. الهدية

بقلم /أمل الوكيل
لقيت النهاردة ست كاتبة : ‏أتفقت أنا و جوزي مؤخرا إن كل واحد فينا يعمل ملف فيه الحاجات الي يحب أنها تجيله هدية و يبعتها للتاني، و يحدثها كل كام شهر. لأننا أكتشفنا أن

بعد العمر ده كله بنجيب لبعض حاجات مش علي ذوق التاني و نضطر نقول حلوة علشان نجامل بعض أو نغيرها بعد المناسبة.

ولفت إنتباهي قد أيه إحنا بنضيع فلوس ع الفاضي لما نشتري هدايا للي بنحبهم بدون ما نتعب نفسنا شويّة، ونبحث هما بيحبوا أيه؟ وقد ايه بنقول برافو، واو، تحفة، ع حاجات مش عجبانا ولا ع ذوقنا، لمجرد اننا منزعلش اللي قدامنا .. ف قبل ما تشتروا هدية، إسألوا اللي بتحبوه، نفسك ف أيه، ولومش هتقدروا تجيبوا اللي نفسُه فيه هاتوا اللي هو محتاجه.