حأقدر على كده
ده أنا حأنسحب
من ده و ده
وكفاية على كده
ماكنتش حاسباها كده
ولا وصل خيالي
تبقى كده
لو قاسوا الألم
ف الأفئدة
أو حاولوا يعرفوا
إيه سد الأوردة
ومنع مرور الدم كده
كانوا عرفوا إننا
مش حنقدر على كده
ومستحيل نعيش كده
ولو إختارنا
مش حنرضى بكده
فيه حياة
أسهل كتير من كده
كنا فاكرين حيفضل
لنا الكده
أو حاجة
أحسن من كده
طالبين كاسات صبر
لغاية مايعدي الكدة
وحده قادر يفك أسرنا
ونخرج من كده
بعد ماودينا نفسنا
لطريق الكده
ياريت بقى نعرف إنها
مش بتدوم
كده ولا كده
