كلمات / حاتم السروي
مش هيأس من طلبي الذوق.. أنا باصص بعنيا لفوق
مش هيأس دا اليأس حماقة.. والأيام تدي الصابرين
طول ما الدنيا هتمشي بنمشي.. وهنفضل على طول ماشيين
دي القعده بتجيب أمراض.. والكسلان حاله بيتأخر
والإصرار دا سلاحي يا دنيا.. لما الدنيا فـ وشي تكشر
همسح تجاعيد التكشيرة.. للفرحة هاخد تأشيرة
وهقوم من فرشي وسريري.. وهودع نومي وتشخيري
واخد مجهودي بأحضاني.. ولما تجيلي اللحمه الضاني
هعزم أهلي وكل جيراني
من دلوقتي بقول مبروك
مبروك يا تعبي المتقدر
مبروك يا قلبي المتكدر
يا اللي عرفت الفرحه لإنك
عارف قبله معنى الحزن
واما الفرحه تجيلك تجري
تستقبلها ببوسه وحضن
أنا ماشي وكفايه المشي.. فما بالك لما اخد اجري
ولذلك يا صديقي الراقد.. صاحبك مش هيبطل يجري
كاتب وقاص ومسئول خدمة المؤلف بالهيئة المصرية العامة للكتاب