معلومة فى كبسولة .. تقدمها : أمل الوكيل

قواعد الرجل العصرى..خلى بالك..

1-الرجالة مابتعرفش من شكل العين ونبرة الصوت الحالة النفسية للستات فلازم يشوفوا صويت ولطم علشان يقتنعوا.

2-الراجل اللى بيسلك بلاعة مسدودة أو بيغير لمبة محروقة ده انسان بكل ماتحمله الكلمة من معنى.

3-كل الرجالة بتبص. بس فى راجل بياخد فكرة.وراجل بياخد مقاسات .

4-رجالة الجيل ده مش بيعمروا كتيرالحقى اقعدى معاه وكفاية طلبات علشان تطولى عمره الافتراضى لأنه اصلا بره الضمان .

5-الراجل ينام فى أى مكان على الكنبة على الكرسى اوعى تقوليله اصحى نام فى سريرك لأن نص ستات مصر مطلقة لنفس السبب.

6-تغيير مكان المحفظة والنضارة بالنسبة للراجل مشروع قومى يتم بالتعاون مع اليونسكو فما بالك من تغيير مكان عفش البيت .

7-الغالبية منهم خرس فى البيت ..واى محاولة لتغييرمجرى الطبيعة هتؤدى إلى كوارث .

8-عايزة تعرفى بيحبك اد ايه خليه جاى من بره ومش شايف قدامه حطيله الاكل وأول مايجى يأكل اساليه عملت ايه فى الموضوع اللى كلمتك فيه امبارح.لو فضلتى عايشة يبقى بيحبك جدا .

9- الكوليسترول والدهون جزء أساسى من مكونات الرجل العصرى فبلاش الكلام الجارح عن الكالوريز والسكس باكس علشان مش ناقصة سم بدن

وأخيرا اللهم بلغت اللهم فاشهد