المجتمع
معلومة في كبسولة
كتبت: أمل الوكيل
– في المترو، بنت حاطة روج احمر خبطت في واحد لابس ابيض .. الروج علم فى القميص برسمة شفايفها.. بكل ذوق قالت : سُورى مقصدتش. مُتأسفه. لكن الراجل صرخ فيها : سورى ايه وزفت ايه. الله يحرقك هتخربى بيتى. مراتى هتقولى بخونها والدليل اهو.
– الناس بقوا يهدوه ويمسحوا الروج بمناديل وبردو هو مفيش فايده. قام مطلع الموبيل وصور فيديو حكى كل الى حصل بالظبط وعدى ع الناس خلاهم يقولو ان دا حصل وخلى البنت تقول زيهم علشان مراته تصدق .
– هو انا شخصيًا مش مصدقة البوست كله، اصلها مش ماشية سكرانه او عامله بوز البطة..
لكن خلونا نقول .. #الخلاصة : ده مش جوز الست ولا خايف منها. ده راجل محترم وأرجل من كتير اوي مننا .. واحد عنده مسؤليه تجاه مشاعر زوجته و خايف علي مشاعرها و على استقرار بيته. افهموا ان العند فالعلاقات بيدمرها.. واستخدام (اذا كان عاجبك. هو كده. الست مش حقها تعترض .. الخ..)
دي مش رجولة دي بلطجة اسرية وقلة ذوق. بتحب حد خاف ع مشاعره واحترمها. احترامك لزوجتك في حد ذاته احترام لنفسك ويخلي كل اللي حواليك يحترموها.
