كتبت امل الوكيل
اغنية يونس اللى غناها محمد منير ليها قصة جميلة تعالوا نعرفها مع بعض:-
)يونس فى بلاد الشوق اه ياولد الهلالى).يونس ده ابن كان ابن أخت أبو زيد الهلالى وكان أسير عند السلطان الزناتى خليفة حاكم تونس .وعزيزة ده تبقى بنت الزناتى ووقعت فى حب يونس فقالها (وانتى تقوليلى بحبك تحبى ايه فيا) وكان أسير لكنها طلبت منه يتجوزها فى مقابل أنها تحرروا من الاسر فرفض وقالها (وده حب ايه ده اللى من غير اى حرية).ازاى اقولك بحبك وانا بعيد عن أهلى وقلبى عندهم ينفع أحبك من غير قلب (قلبى ضايع مين يلاقيهلى باينى نسيته حدى اهلى)يونس كان عنده عزة نفس ورفض الحرية المشروطة وقال للناس حبوا وعيشوا فى حرية ولما اتحرر بعد 7 سنين من الأسر خرج واحد تانى وقالها (ياعزيزة يابنت السلطان لو يتغير الزمان وقابلتينى فى أى مكان كنت اعشق من غير ماتقولى)حريتك جزء من انسانيتك.لان الإنسانية ليست دينا ولكنها رتبة يصل لها بعض البشر ويموت آخرون دون الوصول اليها