أراء وقراءات

مناجاة…بعدت عنك ايوه بعدت

بقلم عزه السيد

بعدت عنك.. ايوه بعدت
توهت غرقت تعبت هلكت
كل ما احاول اقرب منك
ألقى شيطانى ينط يحط
يملا ودانى بكلام فارغ
ارجع اصمم إنى افك
من الاعيبه ومن حوراتة
ده كلامه فارغ كله معاصى
يملا به راسى اقوله خلاصى
فى كلام ربى امشى يا ملعون
مهما هتعمل برضه معايا
عمرى لغير ربى ف يوم ماهكون
هسلح قلبى وعقلى
بكلام يقضي على الملعون
ربى القادر القاهر الحاكم
اللى يقول كن فيكون
خجلى ملينى من معصيا
بس الرب غفور ورحيم
لما افتكر رحمتة بيا
لما اشوف ستره عليا
بلقى خجلى ملهوش حدود
ربى ياعالم باللى فى قلبى
بعدى عنك هوه هلاكى
قلبى واجعنى بجد ياربى
لما بفكر أنى عصيتك
قلبى بيفرح احس بية حى
لما احس بإنى رضيتك
يالى بتهجر ربك اوعى تفكر
ان الدنيا بتاعتك يوم
كل ده وهم زرعه شيطانك
كل ماليك عمره ماهيدوم
كل كلامنا علينا محسوب
عمر كفنا ما كان له جيوب
ربى ياربى يا ربى يارب
ريح قلبى اغفرلى الذنب
قصدى ذنوبى اللى تخلينى
ابعد عنك اتوه في الدرب
لما بفكر انى فى يوم
هبقى لوحدى فى متر ف متر
واللى عملته معايا ف القبر
ذرات جسمى بتبكى تئن
ارفع راسى ابص لفوق
وارفع ايدى بدعوتى ليك
توبت ياربى إغسل قلبى
توبت ياربى ريح قلبى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.