بنت بتحكى!!
بقلم / أمل الوكيل
اصريت على الطلاق بالرغم من تحذير أهلى
حذرونى بانى لو اتطلقت هيتبروا منى وكل ده ليه هقولكم
مش مرتاحة معاه بيضربنى ويشتمنى بس الطلاق عيب
فجأة اتعرفت على شاب ملتحي وبيصلى ، وثقت فيه بحكم قربه من ربنا ،كلمنا بعض شهرين حكالى انه هيطلق مراته علشان مش مرتاح معاها وقالى لو انطلقت هتجوزك
جريت وطلبت الطلاق بالرغم من ان جوزى اللى بيضربنى اتمسك بيا جدا وانا اصريت على الطلاق
واتجوزت اخونا الملتحى على اساس انى هرتاح بس يا خسارة من اول يوم وانا حاسة انه عنده مشكلة اكبر من مشكلة جوزى
نفس الاهانة والضرب ومش كده بس .. كمان خبى عليا ان مراته موجودة معاه
وبعد شهرين اتطلقنا ، لما مراته عرفت انه اتجوز وخيرته واختارها هى علشان الولاد
وانا دلوقتى مرمية ف شقة صغيرة ولا حد بيسال فيا
الخلاصة…كلنا مرضى نفسيين بس بدرجات وان فيه ناس بيموتوا نتيجة الصدمة لان الخذلان مر
