من القلب للقلب

كتبت:أمل الوكيل.

مجرد سؤال سؤال دايما جوانا وعمرنا ماجاوبنا عليه هو السؤال اللى بيدفعنا للحيرة والتوهان عن كل مامر بينا..

كل لحظة فاتت لوجود حد كان جنبنا سؤال عن الناس اللى حبونا بشدة وسيبناهم والناس اللى حبناهم بصدق وسابونا ..سؤال عن الحاجات المدارية جوانا امتى هنتخلص منها عن الخطوه الصعبة اللى مش قادرين ناخدها رغم كل قرارتنا..

فين اجابة السؤال علشان نوصل للراحة فى النسيان نسيان الحلم اللى شوفناه ممكن وهو اصلا مستحيل. وعن كل صدمة امتى هتعدى وكل حزن امتى هينتهى وكل سعادة لامتى هتفضل ونخاف تنتهى وامبارح امتى هيعدى ويتشال من جوانا وامتى هنبطل نخاف من بكرة

.سؤال عن الضحكة اللى بندارى فيها خيبتنا عن القرايب اللى خدعتنا عن الوعود اللى اضطرينا نخلفها وناس اضطرينا نجرحها سؤال عن الصور اللى لينا بس لاقدرين نمسحها ولا قادرين نفتحها عن العشره اللى بقت قشرة .هو مجرد سؤال كان نفسى اجاوب عليه بس بغبائى اخترت السكات.