من القلب للقلب.. أيامنا الحلوة

بقلم / أمل الوكيل

في العلاقات : الواحد منِّنا بيبقى زي المتعلق ف سور بلكونة العاشر وتحتُه أسياخ ومعدات حديدية، إللي هو لو وقع هيتكسر ١٠٠حتة. كون إنك تجيبله عصير بيحبه تشربهوله وهو متعلق، او تقوله كلام حلو، تجيبله سندوتش شاورما او حتى هدايا ملهاش مثيل. كل ده حاجة حلوة وزي الفل، بس عمرها ما هتغفرلك تأخرك إنَّك تمد أيدك تنقذه فالآخر.

كلامنا الحلو والوعود، الخروجات والهدايا والأكل والأيَّام إللي ضحكنا فيها لما عنينا دمعت، كل ده مش هيغفرلك هروبك فاللحظة الأخيرة من أهم خطوة ف القصة. كل ده بيتمحي لمَّا تتحجج او تتهرب او تقول الظروف. متسيبنيش أقع اتكسر.