بقلم / أمل الوكيل
- اسمها “حضرتك” مش “انت”
- اسمها “نعم” مش “ايه”
- وطي صوتك
- اقف بعيد عن الباب
- متتصلش بحد متأخر
- اقعد على الكرسي اللي مش كاشف البيت
- خبط على الباب قبل ما تفتحه
- قوم اول واحد من على الاكل
- استنى كلهم يقوموا لو انت اللي عازم
- متزورش حد على فجأة
- انزل مع اختك
- سيب الزفت التليفزيون وقوم صلي
- تعال رايحين نعيد على قرايبنا
- مفيش أكل وحش
- انت مش احسن من حد
- قول الحق ولو على رقبتك
- لبس النادي ده مينفعش تعزي بيه
- عيب دا اكبر منك
- دا حرام ويغضب ربنا
- بطل دوشة الناس نايمة
- متخليهمش يدفعوا .. ادفع انت
- مترميش حاجه في الشارع
- نضف مكان بهدلته
- متجيش ناحيتها دي أمانة
…
أيام ما كانت الأهالي بتربي