احدث الاخبار

من القلب للقلب.. إتحرر من اللى ملجمك.

بقلم / أمل الوكيل

شجاعه اني اقول: اه
اه انا عايز ..اه انا حابب .. اه انا محتاج ..
شجاعه ان اما حد يضايقني و يسألني انتي زعلتي ؟؟
اقول اه
اقول اه الكلام مضايقني
اه التصرف غير مقبول

شجاعه اني اقول لا..
لا مش مسموح .. لا مش ممكن .. لا مش مقبول ..
شجاعه اما حد يسألني اقدر اوً ممكن ؟؟
اقول لا ما أقدرش .. لا مش ممكن !

شجاعه اني اما احتاج مساعده اقول ..
اه محتاجه مساعده ..
اه محتاجه دعم ….

شجاعه اني اطلب الاهتمام ..
لانه حقيقي بيتطلب..
علي عكس كل الي اتقال ..
طلع بيتطلب والله

شجاعه اما أسال عن أخطائي ..
اقول اه اخطأت انا انسانه مش ملاك !
شجاعه اني اقول اسف ..

شجاعه اني أتوقف اتعامل بلغه العيون ..
الي ليها مليون لغه ..
الي ليها مليون دلاله …
الي ليها مليون معني و مغزي ..
و اتعامل بالحاجه الي ربنا خلقها للتعامل .. للتواصل .. للكلام ..اللسان

شجاعه اني اعبر بلساني عما اريد و ما لا اريد ..

ربنا بيقول علم ادم الاسماء كلها
لسانك و كلامك هو سلاحك ..
هو قوتك ..
هو اقصر طريق الي انت عايزه ..
الي انت محتاجه ..
قول ..
انطق ..
اتكلم ..

أتحرر من الي ملجمك..
أتحرر من الي قالك الاهتمام ما بيطلبش..
أتحرر من الي قالك عيب تقول لا ..
أتحرر من الي قالك انك لو عبرت عن مشاعرك حتكون ضعيف..
أتحرر من الي قالك ما يصحش تظهر ضعيف ..
أتحرر من الوهم ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.