من القلب للقلب…إرمى ورا ضهرك

بقلم : أمل الوكيل

تعرف لما تكون واقف قدام البحر بتحس بإيه
احساس غريب انك تقف و انت عارف ان العالم كله وراك..
انك واقف في اخر نقطه في المكان ده ..
حرفيا العالم كله وراك … بناسه .. بهمومه .. بمشاكله … بآلامه .. باحزانه ..
بتعرف معني كلمه ارمي ورا ضهرك ..
بتعرف يعني ايه تنسي ..
يعني ايه تدي ضهرك لكل حاجه زعلتك .. لكل حاجه ندمان عليها .. لكل حاجه وجعتك..

كل حركه هوا مش بس حتطير هدومك او شعرك ..
لا ممكن تطير كل حاجه تانيه معاها ..
تديك فرصه تحتفظ بس بالي عايزه ..
و الي مش عايزه سيبه يطير بعيد لحد ما يختفي ..
أنساه ..
و لا أقولك أرميه ورا ضهرك ..

النسيان نعمه ..الغفران نعمه ..النهايات نعمه .. البدايات نعمه