من القلب للقلب .. اختارو صح

بقلم : أمل الوكيل

اختاروا انسان مُش مريض نفسى،بمعنى تانى, لما تيجوا تختاروا ناس،اختاروا الناس الـ فكرها وعقلها يشبه تفكيركم.

اختاروا الناس اللى بينكم وبينهم حاجات كتير مشتركة ولو من وجهة نظر الناس تافهه.

اختاروا الناس اللى وجودكم مالى قلبهم قبل عنيهم,اللى اسمكم محور دعواتهم فى كل صلاه.

اختاروا ناس بتحب الحب وتقدره,ناس تفهم يعنى ايه شعور ويعنى ايه مرحلة كركبه ناس فاهمة ومخططة لحياتها مُش ناس ضايعة.

اختارو الناس اللى تحاوط عليكم برموش عنيها،وتبقالكم بيت وسكن تداروا فيه وقت الوجع.

اختاروا ناس بتحب القهوة والمزيكا والكتب والسينما وبيهادوا الورد ،ناس بتحب الاماكن عشانكم ناس بتعرف ترسم الضحكة والابتسامة على وشوشكم ، اناس تخفف عنكم مُش تزودها.

اختاروا ناس تخاف عليكم مُش تخافوا منهم ،ناس القسوة ملهاش مكان جواهم والشك مش عارف طريق قلوبهم.

اختارو ناس سوية مُش مرضى نفسيين ماشيين ع الارض برجلين والاسم انهم فاهمين.

اختاروا صح وكفاية عك وارهاق وخوف ، ابسط حقوق نفسكم عليكم إنها تطمن،اطمنوا واختاروا صح