من القلب للقلب … الحب اللى بجد

كتبت/ أمل الوكيل

عايز تعرف انت بتحب بجد ولا لا ؟؟
اتعامل معاها وهي منكوشة .. غضبانة .. عيانة
وهتحس هي بالنسبالك زي وهي علي سنجة عشرة ولا مش طايق شكلها من غير ميكاب وفنكشة
اسمع مشاكلها اللى هى تافهة بالنسبالك ومهمة عندها
لو مستحمل شكلها العادي جدا وتفاهتها اليومية ولسه قادر تقولها ” بحبك” تبقى بنت المحظوظة بيحبها راجل من قلبه
انتى بقى!!!!!
عايزة تعرفي حبك لراجل بجد ولا لا؟
اسمعي عن شغله .. أرف شغله وتعبه والناس اللي نكدت عليه ويومه المطحون هل ينتابك الملل ولا ايه ! .. ولا صعبان عليكي وقلبك مخلوع عليه
اتفرجي عليه قايم من النوم ببنطلون بيجامة .. أو عنده دور برد .. او بيشخر .. ولسه قادرة تقوليله “بحبك “.. يبقي ده فعلا حب حقيقي مش مجرد اعجاب عابر !
والخلاصة هى:-

الحب انصهار انساني في كيان آخر في كل الاوقات