من القلب للقلب.. الراجل الشيك رزق

بقلم /أمل الوكيل

ارتبطوا بالرجالة اللي بتفهم في الذوق جدا ًاللي بيفتحلها باب العربيه عشان تركب و بعدين يبقى يلف هو يركب
– اللي بيمشي علي خطوتها من غير ما يجُرها وراه و ميهمهوش الشارع مكسر ، لابسه كعب ، الرصيف عالي ، أو الشوز بتاعتها بتزحلق
– اللي بيشدلها الكرسي في كافيه أو مطعم عشان تقعد و بعدين هو يبقى يقعد
-اللي دايماً يسألها شبعتي ؟ ، اطلبلك قهوه تاني ؟ اللي بيسألك اطلبلك حاجه تاني ؟ واللي يطلبلها من غير ما يسأل أصلا لو عارف ذوقها و اللي بتحبه
-اللي بيبقى عايز يجيبلها الدنيا بحالها و هو ماشي معاها
-اللي بيمشيها قدامه في الزحمه و هو بيكون وراها مش هي اللي وراه
-اللي بيخطيها من علي بركة مايه أو طينه مش ينط هو علي الطوب و يعدي و يسيبها هي مش عارفه تعدي و تبهدل نفسها طينه
-اللي عينه مبتجيش علي واحده تانيه طول ما هو مع حبيبته ،خطيبته ، مراته ، حتي لو كانت عينه زايغه بيحترم وجودها
-اللي بيبوس ايدها بعد هديه قدمتهاله أو كلمه حلوه قالتهاله
-اللي مبيبقاش سايبها واقفه ملطوعه في الشارع بالساعات مستنياه
تفاصيل صغيره لكن بتفرق أوي مع أي واحده
ربنا يبعد عنكوا الجلياط عشان الذوق بقى حاجة نادرة ،و الرجاله اللي بتعامل الأنثي كأنثي مش واحد صاحبه خلاص مالهومش وجود ،، ف لو ربنا رزقك امسكي في الرزق و خليكي متبته و متسيبيهوش